അന്നുതന്നെ ഞാന്‍ പോയി കണ്ടു
വലിയ കണ്ണുകള്‍ പ്രകാശിക്കുന്ന പ്രസന്നമായ മുഖം . ശബ്ദവും എനിക്ക് വല്ലാതെ ഇഷ്ടപ്പെട്ടു . എങ്കിലും ഞാന്‍ ഒന്നും പറയാതെ തിരിച്ചു വന്നതില്‍ അവര്‍ക്ക് ആശയക്കുഴപ്പം ഉണ്ടായെന്നുപിന്നീട് ഫോണ്‍ ചെയ്തപ്പോള്‍ എനിക്ക് മനസ്സിലായി . എനിക്ക്കുറച്ചു ഒരുക്കങ്ങള്‍ നടത്തെണ്ടതുണ്ടല്ലോ . അതുകൊണ്ടായിരുന്നു ഒന്നും പറയാതെ തിരിച്ചു വന്നതെന്ന് അവരെ ബോധ്യപ്പെടുത്തിയപ്പോള്‍ അവര്‍ക്ക് സമാധാനമായി . ആശങ്ക തീര്‍ന്നു .
ഇങ്ങോട്ട് കൊണ്ടുവന്നാല്‍ താമസിക്കാനുള്ള ഒരിടത്തെ കുറിച്ചായി പിന്നീട് എന്റെ ചിന്തയും പരിശ്രമവും . വീട്ടുകാര്‍ക്ക് വലിയ ഇഷ്ടം ഇല്ലാത്ത ഒരു വിഷയമായത് കൊണ്ട് വലിയ സഹകരണം അവരുടെ ഭാഗത്ത് നിന്ന് ഉണ്ടാവുമെന്ന് ഞാന്‍ പ്രതീക്ഷിക്കുന്നില്ല . കുറച്ചു ദിവസം കഴിഞ്ഞാല്‍ എല്ലാവരും ഇഷ്ടപ്പെടും എന്നത് മാത്രമാണ് ഇപ്പോഴുള്ള ഏക പ്രതീക്ഷ .
അങ്ങനെ വീടിന്റെ മതിലിനോട് ചേര്‍ന്ന് താമസിക്കാന്‍ ഒരു സൗകര്യം ചെയ്തു അതിനു ശേഷമാണ് നായയെ കൊണ്ട് വന്നത് . ഇപ്പോള്‍ വീട്ടു കാരും സന്തോഷത്തിലാണ് .
