സാക്ഷി കാലത്തോടൊപ്പം നിലവിളിച്ചു അപ്പോഴും അവര് പറഞ്ഞു
ഇത് നിലവിളിയല്ല
താരാട്ടാണെന്ന് .
അങ്ങനെ കാലവും
സാക്ഷിയും മഹാ പ്രളയത്തില്
മുങ്ങിപ്പോയപ്പോള്
നിലവിളിയാണെന്ന്
തിരിച്ചറിയാന് ആരുമില്ലായിരുന്നു .
യൂദാസ് ഒറ്റിക്കൊടുത്തു മരവിച്ച
അയാളുടെ മനസ്സിനെ
മുപ്പതു വെള്ളിക്കാശ് ഇന്നും വെറുതെ വിട്ടില്ല .
അതിനാല്
ഇന്ന് രാത്രിയും ഒറ്റിയ വെള്ളിക്കാശിന്റെ
തണലില്
യൂദാസ് സുഖമായുറങ്ങി .
