അവകാശം

  

                        .

വന്ധ്യം കരണ ശസ്ത്രക്രിയ    
തിയറ്ററില്‍ നിന്ന്  ഇറങ്ങിപ്പോയി .
ജനിക്കാനും  ജനിപ്പിക്കാനുമുള്ള 
അവകാശത്തെ  
വന്ധ്യംകരിച്ചു  തിരിച്ചു വന്നു 
അവകാശം  പിന്നെ പ്രസവിചിട്ടേയില്ല 

കറവപ്പശു

അംബാനിമാര്‍  കറന്നെടുക്കുന്നത് 
വില്‍കാനായിരുന്നില്ല 
സ്വയം  കുടിച്ചു  തടിക്കാനായിരുന്നു 
കറവ  വറ്റിയ  അകടിലിനിയും 
ആഞ്ഞിടിക്കല്ലെന്നുപറഞ്ഞാല്‍  
ആരുകേള്‍ക്കാന്‍  
ഉടമയാണല്ലോ   കറവക്കാരന് കൂട്ട്
ആഞ്ഞു പിഴിഞ്ഞ്   ചോര വരുമ്പോഴും 
ഉടമ പറഞ്ഞത്രേ  
ഇച്ചിരി തവിടോ  പിണ്ണാക്കോ കൊടുത്തില്ലേലും 
ശറ പറാന്നാ   പാല് .

ചോദ്യങ്ങള്‍

അബോട്ടാബാദിലെ ജഡത്തോടൊപ്പം  
കടലെടുത്തതും
ചങ്കില്‍ കുരുക്കിയ  കയറിനോപ്പം 
തൂക്കിലിട്ടതും   കുറെ  ചോദ്യങ്ങളായിരുന്നു
ഉത്തരമില്ലാത്തവര്‍ക്കുവേണ്ടി   മരിച്ചു കൊടുത്ത  
കുറെ  ആത്മാക്കളുടെ   ചോദ്യങ്ങള്‍ 
ചിതറിയ  ശരീരവും  പേറി വരുന്ന  
അശാന്തിയുടെ  തീരങ്ങള്‍  തീര്‍ക്കുന്ന 
അവരെ സ്വാന്തനിപ്പിക്കാന്‍  വെടിയുണ്ടയുടെ 
  മറുപടി  മാത്രം   മതിയാകുമോ  ?

ഓണം വിറ്റും കാണമുണ്ടു

മലനാട്ടുകാര്‍  ഓണം  വിറ്റും  കാണമുണ്ടു
ഓണം  വാങ്ങി കൂട്ടിയവര്‍ 
അടുത്ത  ഓണത്തിനു  മാറ്റിയെടുക്കേണ്ട 
ഗ്രഹോപകരങ്ങളാണ്  പകരം  നല്‍കിയത് .
എന്നിട്ടും  ഞാന്‍ 
പൊന്നു വില്‍ക്കുന്നിടം 
അക്ഷയത്രുതീയക്കെന്തുകാര്യമെന്നു   തിരക്കി  
എല്ലാവരും  അത് തന്നെ  പറഞ്ഞു  
വിപണിക്കുവേണ്ടി മുണ്ടു  മുറുക്കി  ഉടുക്കണമെന്ന്  
മുറുക്കാന്‍  മുണ്ടില്ലാത്തവരും  അങ്ങനെ  പറഞ്ഞാല്‍ 
ഞാനും  മുറുക്കാതിരിക്കുന്നതെങ്ങിനെ ?

സ്വാതന്ത്ര്യം

 സ്വാതന്ത്ര്യം

താഴ്‌വരയിലെ  
കൂട്ടക്കുഴിമാടങ്ങള്‍ക്ക്  
മുകളിലായിരുന്നു 
സ്വാതന്ത്ര്യം
 
കൊന്നു
കുഴിച്ചു
മൂടാനുള്ള 
സ്വാതന്ത്ര്യം 

            മനുഷ്യാവകാശം   

         തോക്കില്‍  നിറച്ചതും 

         കാഞ്ചി വലിച്ചപ്പോള്‍  

         ചീറിപ്പാഞ്ഞു  

         നെഞ്ച്  തുളച്ചതും 

     മനുഷ്യാവകാശം  പുരട്ടിയ  

      ഉണ്ടകള്‍  തന്നെ .

         എന്നിട്ടും  പറയുന്നു 

                                                               മനുഷ്യാവകാശ 

                                                               ലംഘനമെന്ന് .

ചിക്കന്‍ ഗുനിയ

ചിക്കന്‍ ഗുനിയ 

അധികാരം   സിംഹാസനത്തിലിരുന്നു  മീശപിരിച്ചു

ഈഡിസ്‌ കൊതുക്   സിംഹാസനത്തിനു  പിന്നില്‍  മുട്ടയിട്ടു

അങ്ങനെയാണ്  അധികാരത്തിനു  ചിക്കന്‍ ഗുനിയ  വന്നതും 

അണ്ണാ  ഹസാരെയേ  അറസ്റ്റു  ചെയ്യേണ്ടി വന്നതും 

             
                               
                                              

 

പെരുച്ചാഴികള്‍
വാല്‍മാക്രികള്‍ പോക്കാചിതവളകളെ  ഉപരോധിച്ചു 
അങ്ങനെ  കുളം  സ്വതന്ത്രമായി
അപ്പോഴും   പെരുച്ചാഴികള്‍   കുളം തുരക്കുന്നുണ്ടായിരുന്നു 
നീര്‍ കോലികളുടെ  അത്താഴം  മുടങ്ങിയപ്പോള്‍  
                               മാത്രമാണ്  പെരുച്ചാഴിയെ  പിടിക്കാന്‍ 
                               കെണി ഒരുങ്ങിയത് . 

പ്രകടന പത്രിക

രാജാവില്ലാത്ത  കൊട്ടാരം 

കാര്യസ്ഥന്‍  മന്ത്രിയുടെ  ശകുനം മുടക്കി

തോഴി  റാണിയെ  വഴിമുടക്കി

കിങ്കരന്മാര്‍  അന്തപ്പുരത്തില്‍   പള്ളിയുറങ്ങി

വിദൂഷകന്റെ  ചുണ്ടുകള്‍  താഴിട്ടുപൂട്ടി

ഖജനാവ്  വിശന്നു  നിലവിളിച്ചു

പ്രജകള്‍ കൊട്ടാരം  കയ്യടക്കി

അങ്ങനെ പിന്നീട്

കല്‍തുറുങ്ക് കൊട്ടാരമാക്കി . 

പ്രകടന പത്രിക

മുന്നണി ഭരണം  തുടങ്ങി

പ്രകടന പത്രിക  ഇറങ്ങി ഓടി

അഞ്ചു വര്ഷം 

ഒളിവില്‍ കഴിഞ്ഞ  പത്രിക

തിരിച്ചു  വന്നിട്ട്  നേതാക്കളോട് ചോദിച്ചു

ഓര്‍മ്മയുണ്ടോ  ഈ മുഖം ?

നേതാക്കളപ്പോള്‍   ആസനത്തില്‍ മുളച്ച 

ആലിന്  വെള്ളമൊഴിക്കുകയായിരുന്നു .

തെളിവ്

തെളിവ്

താടിയും  തൊപ്പിയുമുണ്ടായിരുന്നു   

കൃത്യമായി  നമസ്കരിക്കാനും  പോകുന്നത് കണ്ടു

പിന്നെ  ഇതില്‍ കൂടുതല്‍

തെളിവ്  ഞാന്‍  അന്വേഷിച്ചില്ല

ഉടനെ  വന്നു ഫ്ലാഷ്  ന്യൂസ്‌

കൊടും ഭീകരന്‍  പിടിയില്.

സൃഷ്ടിവാദം

ഒരു നാള്‍ യുക്തിവാദി ദൈവത്തെ

നേരിട്ട്  കണ്ടു

സൃഷ്ട്ടിവാദം  മണ്ടത്തരമെന്നു

ശക്തിയുക്തം വാദിച്ചു

പോരാന്‍ നേരം ഒരു  നിര്‍ദേശവും കൊടുത്തു

ഗൂഗിളില്‍ സെര്‍ച്ച്  ചെയ്തു  നോക്കാന്‍.