എന്റെ രാത്രിമഴകള്
ഒരു കുസൃതി കുട്ടിയാണല്ലോ എന്റെ മഴ
ഞാനവന്റെ ചങ്ങാതിയും
മണിച്ചെപ്പ് കിലുക്കിവരുന്ന മഴ
രാവിനു താളവും മേളവും ഈണവു മേകുമ്പോള്
എന്റെ ഉറക്കം കെടുത്തുന്നത്
എന്റെ പായക്കരികില്
ഓരോ തുള്ളിയും ഏറ്റുവാങ്ങാന്
ഉമ്മകൊണ്ടുവച്ച പാത്രങ്ങളായിരുന്നു
അപ്പോള് എന്റെ ഉമ്മ
മഴയുടെ കുസൃതികള് കണ്ടു
പേടിക്കുമായിരുന്നു
അന്ന്
അന്ന്
കണ്ണുനീരില് കുതിര്ന്ന
ഉമ്മയുടെ മഴയോടൊപ്പം
എന്റെ ചങ്ങാതിയെ
എന്തിനെന്നറിയാതെ ഞാനും പേടിച്ചു
എന്റെ ചങ്ങാതിയെ
എന്തിനെന്നറിയാതെ ഞാനും പേടിച്ചു
രാത്രിമഴകള് അന്നെന്റെ ഉമ്മയോടൊപ്പം
എന്നെയും പേടിപ്പിച്ചത്
എന്തിനാണെന്ന് ഇന്നെനിക്കറിയാം .
